Konfrans çərçivəsində dövlət və hökumət rəsmilərinin, deputatların, ictimaiyyət nümayəndələrinin, universitetin professor-müəllim heyətinin iştirakı ilə müxtəlif panel müzakirələri təşkil olunub. “Zəfər tarixi və hərbi siyasi irs”, “Tarixi zəfərdən sonra: iqtisadiyyat və yenidənqurma”, “Tarixi zəfərimz mediada”, “Müharibə və sülh proseslərində beynəlxalq hüququn tətbiqi” adlı mövzular ətrafında maraqlı çıxışlar dinlənilib.
Çıxışlarda Azərbaycanın Vətən müharibəsində qazandığı tarixi Qələbənin hərbi-siyasi, diplomatik, iqtisadi və mədəni aspektləri elmi müstəvidə araşdırılıb, zəfərin yaratdığı yeni reallıqlar və regionda sülhün bərqərar olunmasında rolu ilə bağlı geniş araşdırma materialları təqdim olunub.
